Hi friends, mera naam Manish hai aur aaj main apko apna anubhav share karunga jisse maine pehli koshish mein hi Mahakal Bhasm Aarti ka slot book kiya.
Important details required before booking Mahakal Bhasm Aarti
Sabse pehle apko ye janna chahiye ki online Mahakal Bhasm Arti booking aap 15 din baad ki date tak hi kar sakte hain.
Form fill karne ke liye apke paas documents ki soft copy honi chahiye jaise ki aapka Aadhaar card aur photo. Ek mahatvapurn baat, ek vyakti 5 logo ka registration ek baar mein kar sakta hai aur sabhi ke documents ki soft copy hona zaroori hai. Agar aap 5 se adhik log hain to koi 2 log registration ke liye form bharein.
Jab apke paas registration ke details jama ho jayein tab aap form kaise bharna hai ye jaaniye jisse aap ek baar mein hi confirm booking kar sakein.
Bhasmarti booking allowed hai 8 AM se lekar 9 PM tak isliye aapko saare details 8 AM se pehle hi fill karke rakhne hain.
Bhasm Aarti booking process
Bhasm Aarti booking ke liye aap niche di gayi official website pe ja sakte hain: https://shrimahakaleshwar.com/bhasmarti
Phir yeh jaankari form mein fill karein: applicant’s name, mobile number, email address, aur residential address, uske baad aap apna photo aur identity proof ka soft copy upload karein. Is tarah se sabhi ka information fill karein.
Online Bhasm Aarti booking ke liye 200/- per person fees lagti hai jise aapko online pay karna hoga.
Aapko form fill 8 AM ke 10 minutes pehle hi karke rakhna hai. Aur 8 AM ke 5 minutes pehle se hi submit ka button press karein thodi thodi der me taki aap next window mein sabse pehle puche jaayein.
Phir aapko payment karni hogi, aap apna payment mode select karke jaldi se payment kar dijiye.
Aapko successful booking ka message aur confirmation details mil jayegi jise aap email se download kar sakte hain.
Confirmation ko download karke uska print nikal lijiye, ye printout aapko Mahakal darshan ke samay entry mein dikhana hoga.
Jai Mahakaal. महाकालेश्वर ज्योतिर्लिंग कथा
Apko yeh jaankari kaisi lagi aur apke kuch aur sawaal honge booking ke liye toh aap comments mein type karein, main apko jaldi se jawab dunga.
Jai Mahakaal bhakt janon, apki yatra mangalmay ho.
